تلنگانہ کے محبوب آباد میں شدید کہر، گاڑی سواروں کو مشکلات

حیدرآباد: تلنگانہ کے محبوب آباد میں شدید سردی کی لہر دیکھی جارہی ہے۔کہر کے سبب گاڑی سواروں کو شدید مشکلات کاسامنا کرناپڑرہا ہے اورراستہ صاف نظرنہیں آرہا ہے۔

صبح میں 9بجے تک بھی کہر کی گھنی چادردیکھی جارہی ہے جس کے نتیجہ میں گاڑی سواراپنی گاڑیوں کی ہیڈلائٹس کھولتے ہوئے گاڑیاں چلانے کیلئے مجبور ہیں۔

مقامی افراد کا کہنا ہے کہ گذشتہ سال کے مقابلے جاریہ سال سردی کی لہر میں غیرمعمولی اضافہ ہوا ہے۔

وہ صبح میں 9بجے تک بھی گھروں میں ہی محدود رہنے کیلئے مجبور ہیں۔ضلع میں درجہ حرارت میں گراوٹ بھی ہوئی ہے۔