شیخ حسینہ نے جن پنگ کے ساتھ دو طرفہ ملاقات کی

ڈھاکہ: بنگلہ دیش کی وزیر اعظم شیخ حسینہ اور چین کے صدر شی جن پنگ نے چہارشنبہ کو جوہانسبرگ میں دو طرفہ ملاقات کی یہ میٹنگ 15ویں برکس سربراہی اجلاس کے موقع پر شام کو ہوٹل ہلٹن سینڈٹن میں ہوئی۔

 قبل ازیں بنگلہ دیش کی وزیر اعظم 22 سے 24 اگست تک جوہانسبرگ میں منعقد ہونے والے سربراہ اجلاس میں شرکت کے لیے 22 اگست کو جوہانسبرگ پہنچی تھیں ۔

حسینہ 24 اگست کو فرینڈز آف برکس لیڈرز ڈائیلاگ (برکس-افریقہ آؤٹ ریچ اینڈ برکس پلس ڈائیلاگ) میں ‘برکس نیو ڈیولپمنٹ بینک’ کی رکن کے طور پر بنگلہ دیش کی جانب سے خطاب کریں گی، جس میں 70 ممالک کے نمائندے شرکت کریں گے۔

چینی صدر شی جن پنگ پیر کی آدھی رات کو جنوبی افریقہ پہنچے۔ بنگلہ دیش کے وزیر خارجہ اے کے عبدالمومن، وزیر اعظم کے نجی صنعت و سرمایہ کاری کے مشیر سلمان فضل الرحمان، وزیر اعظم کی صاحبزادی اور موسمیاتی خطرات سے متعلق فورم اور نیشنل ایڈوائزری کمیٹی برائے آٹزم اینڈ نیورو ڈیولپمنٹل ڈس آرڈرز کی چیئرپرسن اور صائمہ واجد، وزیراعظم کے پرنسپل سیکرٹری ایم ٹی حسین اور خارجہ امور کے سینئر سیکرٹری مسعود بن مومن میٹنگ میں موجود تھے۔