درگم چیرو جھیل میں چھلانگ لگانے والا سافٹ ویئر ملازم لاپتہ

• مادھاپور میں دوستوں سے ملاقات کے لیے گیا تھا 25 سالہ راجیش، کی جھیل میں تلاش جاری

حیدرآباد: شہر کے درگم چیرو جھیل پر واقع کیبل برج سے ایک 25 سالہ سافٹ ویئر ملازم کے جھیل میں چھلانگ لگانے کا واقعہ پیش آیا۔ نوجوان کی شناخت راجیش کے طور پر ہوئی ہے، جو آندھرا پردیش کے وشاکھاپٹنم کا رہنے والا تھا اور ناچارم کے ایک ہاسٹل میں مقیم تھا۔

اطلاعات کے مطابق، راجیش اپنے دوستوں سے ملاقات کے لیے مادھاپور گیا تھا، جہاں اس نے کیبل برج سے درگم چیرو جھیل میں چھلانگ لگا دی۔

واقعے کی اطلاع ملتے ہی ریسکیو ٹیمیں موقع پر پہنچ گئیں اور جھیل میں نوجوان کی تلاش شروع کردی۔ فی الحال اس کی لاش کی تلاش جاری ہے۔ واقعے کی وجوہات کے بارے میں مزید تفصیلات سامنے نہیں آئی ہیں۔