میدان سے شہرت کی بلندیوں تک سوربھ گانگولی کی کہانی اب  اسکرین پر

ممبئی :  بالی ووڈ اداکار راج کمار راؤ کی اداکاری سے سجنے والی فلم ‘دادا – دی سوربھ گانگولی اسٹوری’ کا فرسٹ لک پوسٹر آج، سوربھ گانگولی کی سالگرہ کے موقع پر جاری کیا گیا ہے۔ فرسٹ لک کے ساتھ ہی، فلم سازوں نے یہ بھی اعلان کیا کہ یہ فلم 14 مئی 2027 کو سنیما گھروں میں ریلیز ہوگی۔

فلم کے فرسٹ لک پوسٹر میں راج کمار راؤ کو سوربھ گانگولی کے اس تاریخی پل کو جیتے ہوئے دکھایا گیا ہے، جب انہوں نے سال 2002 میں انگلینڈ کے خلاف نیٹ ویسٹ ٹرافی جیتنے کے بعد لارڈز کی بالکنی میں اپنی جرسی لہرائی تھی۔ یہ پل ہندوستانی کرکٹ کے سب سے یادگار لمحات میں سے ایک مانا جاتا ہے۔ ‘دادا – دی سوربھ گانگولی اسٹوری’ اس شخص کی حوصلہ افزا کہانی ہے، جس نے صرف کرکٹ کھیلا ہی نہیں، بلکہ ہندوستانی کرکٹ کی تصویر بھی بدل دی۔ فلم میں ایک باصلاحیت نوجوان کرکٹر سے لے کر ہندوستان کے سب سے بااثر کپتانوں میں شامل ہونے تک کا ان کا سفر دکھایا جائے گا۔ یہ کہانی ان کے جذبے، جدوجہد اور مضبوط ارادوں کو سامنے لائے گی، جس نے ہندوستانی کرکٹ کو نئی پہچان دی اور پوری ایک نسل کو متاثر کیا۔

‘دادا – دی سوربھ گانگولی اسٹوری’ کی ہدایت کاری وکرمادتیہ موٹوانی کر رہے ہیں۔ فلم کو لو رنجن اور انکور گرگ نے پروڈیوس کیا ہے۔ اسے گلشن کمار، بھوشن کمار، ٹی سیریز اور ڈی بی ایل پیش کر رہے ہیں۔ یہ لو فلمز کے بینر تلے بنی ہے اور 14 مئی 2027 کو دنیا بھر کے سنیما گھروں میں ریلیز ہوگی۔