فلک نما پولیس کی خصوصی کارروائی، 20 چوری شدہ موبائل فونس برآمد

حیدرآباد: فلک نما پولیس اسٹیشن نے خصوصی ڈیٹیکشن ڈرائیو کے دوران 20 گمشدہ اور چوری شدہ موبائل فونز کامیابی کے ساتھ برآمد کر لیے ہیں، جن کی مجموعی مالیت تقریباً 3.5 لاکھ روپے بتائی جا رہی ہے۔

یہ کارروائی حیدرآباد پولیس کی جانب سے موبائل فون چوری کے واقعات پر قابو پانے اور شہریوں کی کھوئی ہوئی قیمتی اشیاء واپس دلانے کے لیے کی گئی۔ پولیس نے جدید ٹیکنالوجی کا استعمال کرتے ہوئے یہ کامیابی حاصل کی۔

پولیس حکام نے بتایا کہ تمام برآمد شدہ موبائل فونز کو ضروری قانونی اور دستاویزی تصدیق کے بعد ان کے اصل مالکان کے حوالے کیا جائے گا۔ اس اقدام سے ان شہریوں میں خوشی کی لہر دوڑ گئی ہے جنہوں نے اپنے موبائل فونز کے گم یا چوری ہونے کی شکایت درج کروائی تھی۔ پولیس ٹیم کی کارکردگی کو سراہا گیا۔

فلک نما پولیس آفیسر نے اس خصوصی مہم میں شامل پولیس عملے کی ستائش کرتے ہوئے کہا کہ ٹیم ورک اور جدید ٹیکنالوجی کے مؤثر استعمال نے اس کامیاب کارروائی کو ممکن بنایا۔ حیدرآباد پولیس نے عوام سے اپیل کی ہے کہ موبائل فون گم یا چوری ہونے کی صورت میں فوری اطلاع دیں، قریبی پولیس اسٹیشن سے رجوع کریں، سرکاری آن لائن پورٹلز کا استعمال کریں تاکہ بازیابی کا عمل تیز ہو، پولیس کے مطابق عوامی تعاون سے نہ صرف قانون و نظم برقرار رہتا ہے بلکہ گمشدہ اشیاء کی بازیابی کے امکانات بھی بڑھ جاتے ہیں۔

یہ خصوصی ڈیٹیکشن ڈرائیو حیدرآباد پولیس کے ٹیکنالوجی پر مبنی، عوام دوست اور مؤثر پولیسنگ نظام کی ایک اور کامیاب مثال ہے۔