شیئر بازاروں میں لوٹی تیزی، شروعاتی کاروبار میں سینسیکس 592 پوائنٹس چڑھا

ممبئی: گزشتہ کاروباری دن پر رہی بڑی گراوٹ کے بعد جمعرات کو شروعاتی کاروبار میں گھریلو شیئر بازاروں میں تیزی دیکھی گئی اور بی ایس ای کا سینسیکس 592 پوائنٹس سے زیادہ چڑھ گیا۔

سینسیکس 72.54 پوائنٹس کی مضبوطی کے ساتھ 76,576.14 پوائنٹس پر کھلا اور کچھ ہی دیر میں 592 پوائنٹس کا اضافہ درج کرتے ہوئے 77,095 پوائنٹس پر پہنچ گیا۔ خبر لکھے جانے تک یہ 530.44 پوائنٹس (0.69 فیصد) اوپر 77,034.04 پوائنٹس پر تھا۔ وسیع بازار میں بھی اس وقت خریداری چل رہی ہے۔

آئی ٹی اور دھات (میٹل) کو چھوڑ کر دیگر تمام سیکٹرز کے انڈیکس ہرے نشان میں ہیں۔ پائیدار صارفین کی مصنوعات ، ایف ایم سی جی، فارما، صحت، رئیلٹی، میڈیا اور کیمیکل گروپس میں خریداری زیادہ ہے۔

نیشنل اسٹاک ایکسچینج کا نفٹی-50 انڈیکس 46.90 پوائنٹس کی تیزی کے ساتھ 23,928.95 پوائنٹس پر کھلا۔ خبر لکھے جانے تک یہ 167.65 پوائنٹس یعنی 0.70 فیصد کی برتری کے ساتھ 24,049.70 پوائنٹس پر تھا۔ بدھ کو دونوں اہم انڈیکس دو فیصد سے زیادہ کی گراوٹ کے ساتھ بند ہوئے تھے۔

سینسیکس کی کمپنیوں میں اٹرنل کا شیئر ساڑھے چار فیصد، سن فارما کا ڈھائی فیصد اور ایئرٹیل کا سوا دو فیصد کی برتری میں ہے۔ ایشین پینٹس، آئی سی آئی سی آئی بینک، ایل اینڈ ٹی، ریلائنس انڈسٹریز اور ایچ ڈی ایف سی بینک کے شیئرز بھی ایک فیصد سے زیادہ چڑھے۔

انفارمیشن ٹیکنالوجی کمپنی انفوسس کا شیئر دو فیصد اور ایچ سی ایل ٹیکنالوجیز، ٹیک مہندرا اور ٹی سی ایس کے شیئرز ایک فیصد سے اوپر ٹوٹے۔ بجاج فنانس بھی ابھی ایک فیصد نیچے ہے۔