شہر حیدرآباد میں عجیب و غریب موسمی حالات

حیدرآباد: شہر حیدرآباد میں گزشتہ چند دنوں سے عجیب و غریب موسمی حالات دیکھے جارہے ہیں۔ دن کے اوقات میں گرمی اور رات میں سردی محسوس ہورہی ہے۔

دن اور رات کے اعظم ترین درجہ حرارت میں شہر کے کئی علاقوں میں فرق دیکھا جارہا ہے۔

شہر کے بی ایچ ای ایل‘ رامچندراپورم اوردیگر علاقوں میں دن میں اعظم ترین درجہ حرارت31 ڈگری سلسیس درج کیا گیا جبکہ اقل ترین درجہ حرارت 11.6ڈگری سلسیس درج کیا گیا جو معمول سے کافی کم ہے۔

مختلف عوامل کے نتیجہ میں دن اور رات کے درجہ حرارت میں کافی فرق ہورہا ہے۔

ہندوستانی محکمہ موسمیات کے مطابق شہر حیدرآباد کے تمام علاقوں میں اقل ترین درجہ حرارت 14ڈگری سلسیں ہونا چاہئے۔موسم سرما کی آمد سے پہلے تلنگانہ کے دارالحکومت میں اس طرح کا موسم دیکھاجارہا ہے۔