دل کادورہ پڑنے سے طالب علم کی موت

حیدرآباد: دل کا دورہ پڑنے سے طالب علم کی موت ہوگئی۔یہ واقعہ تلنگانہ کے ضلع نارائن پیٹ کے کونڈا پور قبائلی گروکل اسکول میں پیش آیا۔

اس طالب علم جس کی شناخت دسویں جماعت میں زیرتعلیم سری کانت کے طورپر کی گئی ہے، صبح ہاسٹل میں ناشتہ کرنے کے بعد اچانک گر گیا۔

مقامی دھنواڈا پرائمری ہیلت سنٹر میں فوری طور پر ابتدائی طبی امداد فراہم کی گئی تاہم اس کی حالت بگڑنے پر ڈاکٹرس کی ہدایت کے مطابق اسے نارائن پیٹ ضلع اسپتال منتقل کیا گیا۔

سی پی آر کرنے کے بعد ڈاکٹروں نے تصدیق کی کہ طالب علم پہلے ہی مر چکا ہے۔