اسٹنٹ کا جنون‘ روڈی شیٹر لاری کے نیچے آکر ہلاک (ویڈیو وائرل)

حیدرآباد: چادر گھاٹ علاقہ میں اسٹنٹ کرتے ہوئے ایک روڈی شیٹر لاری کے نیچے آکر ہلاک ہوگیا۔ پولیس ذرائع کے بموجب کاچی گوڑہ کا رہنے والا سری کانت سنگھ جو کاچی گوڑہ پولیس اسٹیشن کا روڈی شیٹر بتایا جاتا ہے اس نے فالورس بڑھانے کے لئے ویڈیو کے ذریعہ ریلس بنارہا تھا۔

اسٹنٹ کرتے ہوئے وہ چادر گھاٹ علاقہ میں لاری کے نیچے آکر بر سر موقع ہلاک ہوگیا۔ مزید بتایا گیا ہے کہ ملزم کے خلاف سلطان بازار اور دیگر پولیس اسٹیشنوں میں جرائم کے مقدمات درج ہیں۔ لاش کے پاس سے ایک چاقو اور ایک سیل فون دستیاب ہوا ہے، پولیس چادر گھاٹ مصروف تحقیقات ہے۔