وقف امید ہورٹل ٹریننگ پروگرام کا کامیاب انقاد،چیرمین وقف بورڈ سید عظمت اللہ حسینی کی شرکت

حیدرآباد: جمعیۃ علماء تلنگانہ کے زیراہتمام وقف امید ہورٹل ٹرینگ پروگرام آج بتاریخ 12/ نومبر 2025 بروز ہفتہ صبح 9/تا دوپہر 2/ بجے مسجد زینت ٹولی چوکی زیر سرپرستی حضرت مولانا سید احسان الدین صاحب قاسمی مدظلہ صدر جمعیۃ علماء ضلع نلگنڈہ زیر نگرانی مولانا محمد مصدق القاسمی صاحب صدر جمعیۃ علماء ضلع حیدرآباد منعقد ہوا۔
مولانا مدثر صاحب استاد مدرسہ اسلامیہ دارالعلوم ٹولی چوکی کی قرآت کلام پاک اور عزیزم محمد انس متعلم مدرسہ اسلامیہ دارالعلوم ٹولی چوکی کی نعتیہ کلام سے اجلاس کا آغاز عمل میں آیا ۔

محترم حافظ پیر خلیق احمد صابر صاحب جنرل سیکرٹری جمعیۃ علماء تلنگانہ نے اجلاس کے اغراض ومقاصد پر اور جائیدادوں کے تحفظ کے متعلق مدلل ومفصل گفتگو فرمائی ۔اور اس سلسلہ میں ہم کو کیا اقدامات کرنا چاہیے اس سلسلہ میں جمعیۃ علماء تلنگانہ کے تمام اضلاع میں وقف امید ہورٹل کی اہمیت کو واضح کرنے کے لئے عوام میں شعور بیداری پروگرام کا انعقاد عمل میں لایا جائے گا۔ اسی طرح مساجد درگاہ عیدگاہ کمیٹیوں کے ذمہ داران سجاد گان کو جوڑ کر تربیتی ورکشاپ بھی منعقد کئے جائیں گے۔

محترم سید عظمت اللہ حسینی صاحب وقف بورڈ چیرمین تلنگانہ نے حضرت مولانا حافظ پیر شبیر احمد صاحب رحمتہ اللہ علیہ کو خراج عقیدت پیش کیا، اور انہوں نے کہا کہ امید ہورٹل میں 6/دسمبر تک رجسٹریشن کرانے کی آخری تاریخ ہے ،مگر ہمارے ریاست تلنگانہ کے وزیر اعلی نے اس سلسلہ میں مرکزی حکومت سے تاریخ کو ایک سال تک آگے بڑھانے کا مطالبہ کیا ہے۔ اور امید پورٹل کے سلسلہ میں حکومت سنجیدہ ہے اور اس کے تعلق سے کام بھی تیزی کے ساتھ جاری ہے، وقف جائیدادوں کو رجسٹریشن کرانے میں غفلت نہیں برتنا چاہئیے ۔

اضلاع میں ورکشاپ کرانے اور عوام الناس میں شعور بیداری کےلئے، ہم انسپکٹر اور ٹرینر دینے کے لئے تیار ہیں۔ اس طرح ریاستی جمعیۃ علماء کی دعوت پر وقف بورڈ کے چیئرمین جناب عظمت اللہ حسینی صاحب نے وقف انسپکٹر محترم پوسف پاشاہ صاحب، محترم امجد خان صاحب محترم غوث صاحب کو ٹرینینگ دینے کے لئے اس پروگرام میں شرکت کے لئے روانہ فرمایا اور انہوں نے وقف امید ہورٹل کیا ہے۔

اس میں اپنی زمین اور جائیدادوں کو کس طرح رجسٹریشن کراناچاہئیے اس کے متعلق سے تفصیلی پرزنٹیشن پیش فرمایا۔ اور عوام الناس میں اس تعلق سے جو بے چینی اور غلط فہمیاں پائی جارہی ہیں اس کے تعلق سے سوالات کے جوابات بھی دیئے گئے امید ہورٹل ٹرینگ پروگرام کے سلسلہ میں اضلاع کے ذمہ داران عزائم کر چکے ہے انشاءاللہ تعالی بہت جلد تاریخ اور مقامات کا اعلان کیا جائے گا۔

حضرت مولانا سید شاہ احسان الدین صاحب قاسمی مدظلہ، مولانا عبد اللہ اظہر صاحب صدر جمعیۃ علماء ضلع وقارآباد مفتی الیاس احمد حامد صاحب قاسمی جنرل سکریٹری جمعیۃ علماء ضلع نرمل، مولانا محمد مسیح الدین صاحب صدر جمعیۃ علماء ضلع میدک، مولانا عبد القوی صاحب صدر جمعیۃ علماء ضلع نارائین پیٹ نے بھی وقف بورڈ چیرمین کے سامنے قیمتی آراء کو پیش کیا اور اس سلسلہ میں ان کو جلد از جلد فیصلہ لینے کی گزارش کی اور چیرمین صاحب مے تمام شکایات کو دور کرنے کا وعدہ کیا ہے۔

اس اجلاس میں مولانا مفتی عبد الغنی صاحب صدر جمعیۃ علماء ضلع نرمل مفتی الیاس احمد حامد صاحب قاسمی جنرل سکریٹری جمعیۃ علماء ضلع نرمل، مولانا عبد اللہ اظہر صاحب قاسمی صدر جمعیۃ علماء ضلع وقارآباد، مولانا عبد القوی صاحب حسامی صدر جمعیۃ علماء ضلع نارائین پیٹ، مولانا عبد الکریم صاحب صدر جمعیۃ علماء ضلع کتہ گوڑم، مولانا عبد الوکیل صاحب ناگر کرنول، مولانا عبد السلام صاحب صدر جمعیۃ علماء ضلع سدی پیٹ، مولانا مسیح الدین صاحب صدر جمعیۃ علماء ضلع میدک، مولانا یونس صاحب قاسمی صدر جمعیۃ علماء ضلع کریم نگر، مولانا ولی اللہ صاحب صدر جمعیۃ علماء ضلع میٹرچل حافظ یونس صاحب جنرل سکریٹری جمعیۃ علماء ضلع میٹرچل، مولانا ماجد صاحب جنرل سیکرٹری جمعیۃ علماء ضلع جگتیال مولانا رفیق ذاکر صاحب صدر جمعیۃ علماء پرکٹ، مولانا عبد اللہ صاحب صدر جمعیۃ علماء ضلع محبوب نگر مفتی احمد یاسر صاحب جنرل سیکرٹری جمعیۃ علماء ضلع رنگاریڈی مولانا زکی صاحب سکریٹری جمعیۃ علماء ضلع سنگاریڈی مولانا عبد الحمید صاحب جمعیۃ علماء ضلع سریا پیٹ، اس کے علاوہ اضلاع کے ذمہ داران نے اور جمعیۃ علماء گریٹر حیدرآباد کے حلقہ جات کے ذمہ داران نے کثیر تعداد میں شرکت کی۔

جنرل سیکرٹری صاحب نے وقف بورڈ کے چیئرمین اور وقف انسپکٹر صاحبان اور تمام مہمانوں کا شکریہ ادا کیا۔ مولانا مصباح الدین صاحب صدر جمعیۃ علماء حلقہ ٹولی چوکی مولوی محمد عمر صاحب جنرل سیکرٹری جمعیۃ علماء حلقہ ٹولی چوکی اور ان کے رفقاء نے تمام مہمانوں کا استقبال کیا ۔مولانا سید احسان الدین صاحب قاسمی مدظلہ کی دعا پر اجلاس اختتام پزیر ہوا۔