سوریہ پیٹ میں ریچھ سے سنسنی

حیدرآباد: تلنگانہ کے سوریہ پیٹ ضلع میں ایک ریچھ نظرآیاجس کے بعد عوام میں سنسنی پھیل گئی۔یہ ریچھ، اتوار کی صبح ضلع کی سرینواس کالونی میں نظرآیا۔کالونی کے ڈی مارٹ کے پیچھے زیرتعمیر عمارت کے کاموں کے سلسلہ میں وہاں موجود افراد نے سب سے پہلے اس ریچھ کو دیکھا۔

بعد ازاں یہ ریچھ ٹی سرینواس نامی شخص کے مکان میں داخل ہوگیا اور باتھ روم میں چھپ گیا۔مقامی افراد سے اطلاع ملتے ہی پولیس اور محکمہ جنگلات کے عہدیدار وہاں پہنچ گئے۔انہوں نے اس ریچھ کو پکڑنے کی کوششوں کاآغاز کردیا۔