پولیس حراست میں ایک شخص کی مشتبہ موت

حیدرآباد: چوری کے معاملہ کے سلسلہ میں پوچھ گچھ کے لئے حراست میں لئے گئے شخص کی پولیس تحویل میں مشتبہ موت ہوگئی۔

یہ واقعہ منگل کی شب سکندرآباد کے تکارام گیٹ پولیس اسٹیشن میں پیش آیا۔

ملزم کی شناخت ایل بی نگر کے رہنے والے چرنجیوی کے طورپر کی گئی ہے جس کو پولیس نے چوری کے معاملہ کے سلسلہ میں حراست میں لیا تھا۔

اس کو صحت کی خرابی کی شکایت اور پولیس اسٹیشن میں گرپڑنے کے سبب گاندھی اسپتال منتقل کیاگیا جہاں اس کی موت ہوگئی۔

اس کی موت کی اطلاع کے ساتھ ہی اس کے رشتہ داراسپتال پہنچے اور بعد ازاں انہوں نے ڈی سی پی نارتھ کے آفس کے سامنے احتجاج کیاتاہم پولیس نے ان کو منتشر کردیا۔

پولیس کے سینئر عہدیداروں نے اس معاملہ کی جانچ کے احکام دیئے ہیں۔