ملک کی ترقی میں تلنگانہ کا اہم رول: نریندر مودی

حیدرآباد: وزیر اعظم نریندر مودی نے کہا ہے کہ گزشتہ 9 سالوں سے ہم تلنگانہ کی ترقی کے لیے کام کر رہے ہیں۔ انہوں نے ورنگل ضلع میں کئی ترقیاتی کاموں کا سنگ بنیاد رکھا۔ مودی نے اپنی 15منٹ تقریر کا آغاز تلگو الفاظ سے کیا۔انہوں نے کہا کہ تلنگانہ ایک نئی ریاست ہے لیکن ملک کی ترقی میں اس کا رول کافی اہم رہا ہے۔

تلنگانہ میں 6 ہزار کروڑ کی سرمایہ کاری سے سڑکیں تعمیر کی جارہی ہیں۔ انہوں نے کہا کہ تلنگانہ کا دیگر ریاستوں سے رابطہ بڑھانے کے لئے کئی پروگرام شروع کئے جارہے ہیں۔

مودی نے کہا کہ کئی افرادتلنگانہ میں سرمایہ کاری کے لئے آگے آرہے ہیں۔انہوں نے کہا کہ قاضی پیٹ بھی میک ان انڈیا کا حصہ بنے گا۔