گورنمنٹ ہائی اسکول دار الشفاء میں یومِ تاسیس تلنگانہ جوش و خروش سے منایا گیا
ریاست تلنگانہ کے یومِ تاسیس کے موقع پر گورنمنٹ ہائی اسکول دار الشفاء، بہادر پورہ، حیدرآباد میں ایک پروقار تقریب کا انعقاد عمل میں آیا۔ اس موقع پر صدر معلمہ محترمہ ریاست فاروق نے قومی پرچم ترنگا لہرا کر تقریب کا آغاز کیا۔
حیدرآباد: ریاست تلنگانہ کے یومِ تاسیس کے موقع پر گورنمنٹ ہائی اسکول دار الشفاء، بہادر پورہ، حیدرآباد میں ایک پروقار تقریب کا انعقاد عمل میں آیا۔ اس موقع پر صدر معلمہ محترمہ ریاست فاروق نے قومی پرچم ترنگا لہرا کر تقریب کا آغاز کیا۔
تقریب میں مہمانِ خصوصی کے طور پر جناب محمد مسعود الدین احمد، مولانا ڈاکٹر حافظ محمد صابر پاشاہ قادری، جناب محمد عبدالمقتدر اویس (سی سی بہادرپورہ)، ڈپٹی آفیسر جناب محمد زعیم الدین اور جناب محمد رفیق نے شرکت کی۔
اس موقع پر اسکول کے دیگر اساتذہ کرام، معلمات اور طلبہ بھی موجود تھے جنہوں نے یومِ تاسیس کے حوالے سے اپنے خیالات اور جذبہ حب الوطنی کا اظہار کیا۔
تقریب کا مقصد تلنگانہ ریاست کی تشکیل کی اہمیت کو اجاگر کرنا اور نوجوان نسل کو ریاست کی ترقی میں فعال کردار ادا کرنے کی ترغیب دینا تھا۔ آخر میں مہمانانِ گرامی نے ریاست تلنگانہ کی ترقی و خوشحالی کے لیے دعا کی۔
