دہلی

اب پاکستان، کشمیر میں حملوں کیلئے حماس کی مدد لے گا: وی ایچ پی (ویڈیو)

وشوا ہندو پریشد(وی ایچ پی) ترجمان ونود بنسل نے جمعرات کے روز دعویٰ کیا کہ اب جموں وکشمیر(جے اینڈ کے) میں دہشت گرد حملوں کے لئے پاکستان‘ حماس کی مدد حاصل کرے گی۔

نئی دہلی: وشوا ہندو پریشد(وی ایچ پی) ترجمان ونود بنسل نے جمعرات کے روز دعویٰ کیا کہ اب جموں وکشمیر(جے اینڈ کے) میں دہشت گرد حملوں کے لئے پاکستان‘ حماس کی مدد حاصل کرے گی۔

متعلقہ خبریں
حماس کے صدر یحییٰ السنوار کے قریبی ساتھی روحی مشتہی کو تین ماہ قبل ہلاک کردیا گیا،اسرائیل کا ادعا
جیش کی ذیلی تنظیم نے کشمیر دہشت گرد حملہ کی ذمہ داری قبول کرلی
پاکستان کی انگلینڈ کے خلاف 19 برس بعد تاریخی جیت
بدرالدین اجمل پر مسلمانوں کو مشتعل کرنے کا الزام
پاکستان نے 3 سال بعد ٹسٹ سیریز جیت لی

وی ایچ پی لیڈر نے چہارشنبہ کو ایکس پر بتایا کہ پاک مقبوضہ کشمیر میں ایک ریالی کے دوران حماس کے کمانڈر خالدالقدومی اور دیگر پاکستانی دہشت گردں کو دیکھا گیا ہے۔

انہوں نے مزید دعویٰ کیا کہ پاکستان کی جاسوسی ایجنسی آئی ایس آئی‘ دہشت گردوں کے اس اتحاد میں اہم رول ادا کررہی ہے۔ حماس کے ہمدردوں اور ہندوستان کے ریاڈیکل مسلمانوں کو جو غزہ کا مسئلہ اٹھاتے رہے ہیں اور پارلیمنٹ میں فلسین زندہ باد کے نعرے لگاتے رہے ہیں اور عالمی دہشت گردوں پر آنسو بہاتے رہے ہیں‘ کونشانہ تنقید بناتے ہوئے انہوں نے اس مسئلہ پر ان لوگوں کی خاموشی پر سوال اٹھایا۔

انہوں نے کہا ”کیا یہ لوگ اس مسئلہ پر ایک لفظ بھی نہیں کہیں گے‘ کیا انہیں دہشت گردی کے خلاف احتجاج نہیں کرنا چاہئے جیسا کہ انہوں نے غزہ کی تائید میں کیا تھا۔ اب یہ تمام مخالف ہند عناصر ایک بار پھر بے نقاب ہوچکے ہیں“۔ جیش محمد‘ لشکر طیبہ کمانڈرس اور حماس کے سینئر نمائندوں نے حال ہی میں پاکستانی پروپگنڈہ مشق میں حصہ لیا تھا جس کے بعد بنسل نے یہ تبصرہ کیا ہے۔ یہ ریالی اس علاقہ میں بدامنی کو ہوا دینے میں دہشت گرد تنظیموں کے ساتھ پاکستان کے ملوث ہونے کو ظاہر کرتی ہے۔