تروملا میں لڑکی کو ہلاک کرنے والے تیندوے کو پکڑلیاگیا

حیدرآباد: آندھراپردیش کے تروملا میں لڑکی کو ہلاک کرنے والے تیندوے کو کامیابی کے ساتھ پکڑلیاگیا۔

اس افسوسناک واقعہ کے ساتھ ہی محکمہ جنگلات کے عہدیداروں نے چوکسی اختیار کرتے ہوئے بڑے پیمانہ پر اس کی تلاش کا کام شروع کردیاتھا۔

ان عہدیداروں نے احتیاطی اقدامات کے طورپر پنجرے لگائے تھے اور سی سی ٹی وی کیمرے بھی نصب کئے تھے۔

محکمہ جنگلات کے عہدیداروں کی مسلسل کوششوں کے بعد اس جنگلی جانور کو پکڑنے میں کامیابی حاصل کرلی گئی۔

محکمہ جنگلات کے عہدیداروں نے اس علاقہ کا محاصرہ کیا تھا۔