کل سورج بیت اللہ شریف کے اوپر سے گزرے گا

مکہ المکرمہ: کل سورج بیت اللہ شریف کے اوپر سے گزرے گا جس سے قبلہ کے درست رخ کا تعین کیا جا سکے گا۔

سعودی ماہر فلکیات کے مطابق کل سال میں دوسری بار سورج خانہ کعبہ کے عین اوپر سایہ فگن ہوگا، سورج آئندہ تین دن خانہ کعبہ کے عین اوپر ہوگا اس دوران قبلہ رخ کا تعین کیا جا سکے گا۔

سعودی اخبار کے مطابق کل 16جولائی کو سورج 12 بج کر 26 منٹ پر خانہ کعبہ کے عین اوپر آئے گا، اس وقت دنیا بھر کے سایوں کا رخ بیت اللہ کی جانب ہوگا جبکہ بیت اللہ کا سایہ نہیں ہوگا۔

سعودی ماہر فلکیات کا کہنا ہے یہ ایک دلفریب فلکیاتی منظر ہوگا جب زمین پراللہ کا گھر اور سورج ایک ہی قطار میں اوپر نیچے دکھائی دیں گے۔

واضح رہے کہ رواں سال سورج دوسری بار خانہ کعبہ کے عین اوپر جلوہ فگن ہوگا۔