راشد خان نے پرپل کیاپ پر قبضہ جمالیا

ممبئی: گجرات ٹائٹنز اور ممبئی انڈینز کے درمیان کل رات وانکھیڈے گراؤنڈ میں آئی پی ایل میاچ کھیلا گیا۔ میچ میں ممبئی انڈینز نے پہلے بیٹنگ کرتے ہوئے 218 رنز بنائے۔ جواب میں گجرات کی ٹیم 191 رنز پر ڈھیر ہوگئی۔

 یہ میچ ممبئی انڈینز نے 27 رنز سے جیت لیا۔ اس میچ میں سوریہ کمار یادو نے ممبئی انڈینس کی جانب سے سنچری کھیلی۔ یہ سوریا کے آئی پی ایل کیریر کی پہلی سنچری تھی۔

 دوسری جانب گجرات کی ٹیم کی جانب سے راشد خان نے ٹیم کی اننگز کو سنبھالا اور اپنے آئی پی ایل کیریر کی پہلی نصف سنچری اسکور کی۔ میچ میں سوریہ کمار یادو کی سنچری اور راشد خان کی وکٹوں کی دھوم مچانے کے بعد اورنج اور پرپل کیپ کی دوڑ دلچسپ ہوگئی ہے۔

 فاف ڈو پلیسس کے سر پر فاف ڈو پلیسس سجا ہوا ہے۔ آر سی بی کے کپتان فاف ڈوپلیسی نے آئی پی ایل 2023 میں اب تک کھیلے گئے 11 میچوں میں کل 576 رنز بنائے ہیں۔ یشسوی جیسوال کے کے آر کے خلاف 98 رنز کی تابناک اننگز کھیلنے کے بعد دوسرے نمبر پر ہیں۔

 انہوں نے 12 میچوں میں 575 رنز بنائے ہیں۔ ایسے میں وہ فاف ڈوپلیسی سے صرف ایک قدم کے فاصلے پر ہیں۔ شبمن گل نے 11 میچوں میں 469 رنز بنائے ہیں۔ اس کے ساتھ سوریہ کمار یادو نے شبمن گل کو پیچھے چھوڑکر تیسرا مقام حاصل کیاہے۔

سوریا نے اب تک 12 میچوں میں 479 رنز بنائے ہیں۔ شبمن گل 475 رنز کے ساتھ چوتھے نمبر پر موجود ہیں۔ ڈیون کانوے 12 میچوں میں 468 رنز بناکر پانچویں نمبر پر آگئے ہیں اور ویراٹ کوہلی 420 رنز بناکر چھٹے نمبر پر آگئے ہیں۔

 ممبئی انڈینز اور گجرات ٹائٹنز کے درمیان میچ کے بعد پرپل کیپ کی دوڑ میں بڑی تبدیلی آئی ہے۔ راشد خان نے ممبئی کے خلاف میچ میں 4 وکٹیں لیتے ہی پرپل کیپ پر قبضہ کرلیا۔ واضح رہے کہ راشد نے تیسری پوزیشن سے پہلی پوزیشن پر لمبی چھلانگ لگائی۔

 راشد رواں سیزن میں اب تک 12 میچوں میں 21 وکٹیں لے چکے ہیں۔ دوسرے نمبر پر یوزویندر چہل ہیں جنہوں نے 12 میچوں میں 21 وکٹیں حاصل کی ہیں۔ تیسرے نمبر پر محمد سمیع ہیں جنہوں نے آئی پی ایل 2023 میں کل 12 میچ کھیل کر 19 وکٹیں حاصل کی ہیں۔ تشار دیشپانڈے 19 وکٹوں کے ساتھ پرپل کیپ کی دوڑ میں چوتھے نمبر پر ہیں۔ پیوش چاولہ 17 وکٹیں لے کر پانچویں نمبر پر ہیں۔