تلنگانہ: گرینائیٹ کمپنی میں ہوئے پُراسرار دھماکہ میں ایک ورکر ہلاک

حیدرآباد: تلنگانہ کے ضلع محبوب آباد میں گرینائیٹ کمپنی میں ہوئے پُراسرار دھماکہ میں ایک ورکر ہلاک ہوگیا۔

ضلع کے اپن پلی کے حدود میں گرینائٹ کو توڑنے کے لئے کئے جانے والے دھماکہ میں اس ورکر کی موت ہوگئی جس کی شناخت امیر باشاہ کے طور پر کی گئی ہے۔

اس واقعہ میں مزید دو افرادزخمی ہوگئے۔دھماکہ اتنا شدید تھا کہ امیرباشاہ موقع پر ہی ہلاک ہوگیا۔

اس کے رشتہ داروں نے انصاف کامطالبہ کرتے ہوئے احتجاج کیا۔ زخمیوں کو علاج کے لئے اسپتال منتقل کردیاگیا۔اس دھماکہ سے مقامی افراد میں خوف پایاجاتا ہے۔

مقامی افرادنے کہاکہ اس علاقہ میں بلاسٹنگ کے باوجود محکمہ کانکنی کے عہدیدار اس کی پرواہ نہیں کررہے ہیں۔