تلنگانہ: دل کا دورہ پڑنے سے ایک کم عمر طالب علم کی اسکول میں موت ہوگئی

حیدرآباد: دل کا دورہ پڑنے سے ایک کم عمر طالب علم کی اسکول میں موت ہوگئی۔یہ واقعہ تلنگانہ کے ضلع ونپرتی میں پیش آیا۔

ضلع کے اڈٹلاگاوں کا یہ طالب علم، گوپال پیٹ منڈل مستقرمیں ایس سی بوائز ہاسٹل میں آٹھویں جماعت میں تعلیم حاصل کررہا تھا۔

آج صبح وہ معمول کے مطابق ہاسٹل میں اپنے ساتھیوں کے ساتھ بیٹھا ہوا تھا کہ اچانک دل کادورہ پڑنے سے گرپڑا۔

ساتھی طلبا اوراسکول حکام نے اس کو اسپتال منتقل کیاتاہم ڈاکٹرس نے معائنہ کے بعد اس کو مردہ قراردیا۔ ہاسٹل میں نصب سی سی ٹی وی کیمرے نے طالب علم کو گرتے ہوئے ریکارڈ کیا۔

طالب علم کے باپ کی چار ماہ قبل مستری کا کام کرتے ہوئے حادثاتی طور پر پھسل کرگرنے سے موت ہو گئی تھی۔