تلنگانہ: سنگارینی کوئلہ کی کان میں حادثہ، نوجوان مزدور ہلاک

حیدرآباد: تلنگانہ کے منچریال ضلع کے مندامری علاقہ میں واقع سنگارینی کوئلہ کی کان میں پیش آئے حادثہ میں ایک نوجوان مزدور ہلاک ہو گیا۔ راما کرشنا پور سے تعلق رکھنے والے شراون کمار جنرل اسسٹنٹ کی حیثیت سے کام کرتے ہوئے عارضی طور پر ایس ایل ٹی آپریٹر کے فرائض انجام دے رہاتھا۔

حادثہ اس وقت پیش آیا جب ایس ایل ٹی مشین میں خرابی آنے پر وہ اس کا جائزہ لے رہے تھا کہ اچانک کان کی دیوار منہدم ہو گئی۔ شراون کمار کوئلہ کی تہوں اور مشین کے درمیان پھنس کر بے ہوش ہو گیا۔

واقعہ کی اطلاع ملتے ہی حکام نے فوری طور پر زخمی کو اسپتال منتقل کیا۔ بہتر علاج کے لیے کریم نگر لے جایا جا رہا تھا کہ راستے میں ہی اس کی موت ہو گئی۔

مزدور یونین کے قائدین نے اس واقعہ پر شدید برہمی کا اظہار کرتے ہوئے کہا کہ یہ حادثہ حکام کی لاپرواہی کا نتیجہ ہے۔