تلنگانہ: بہو کو پٹائی سے بچانے کی کوشش۔بیٹے نے دھکیل دیا، ماں کی موت

حیدرآباد: بیوی کی پٹائی پر مزاحمت کرتے ہوئے بیچ بچاو کرنے کی کوشش پرحالت نشہ میں ایک شخص نے اپنی ضعیف کو دھکیل دیا جس کے نتیجہ میں دیوار سے ٹکراجانے پر اس کی موت ہوگئی۔

یہ واردات تلنگانہ کے کھمم ضلع میں پیش آئی۔

تفصیلات کے مطابق ضلع کے برہمن پلی گاوں سے تعلق رکھنے والے ٹی پاپیا نے حالت نشہ میں کل شب اپنی بیوی کی پٹائی کی تاہم اسی دوران اس کی ضعیف ماں نے مزاحمت کرتے ہوئے بیچ بچاو کی کوشش کی جس پر برہمی کے عالم میں پاپیا نے ماں کو دھکیل دیا جس کے نتیجہ میں اس کا سردیوارسے ٹکراگیا اور وہ موقع پر ہی ہلاک ہوگئی۔

اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرلیا۔