تلنگانہ:بی سی بند۔کانگریس کے رکن اسمبلی شنکر گرفتار

حیدرآباد: تلنگانہ کے رنگاریڈی ضلع کے شاد نگر میں بی سی طبقات کے بند کے دوران کشیدگی پیدا ہوگئی۔ بنگلور۔حیدرآباد شاہراہ پر رکن اسمبلی وی شنکر احتجاج میں شریک ہوئے۔

بھاری تعداد میں کانگریس کے کارکنان اور قائدین بھی احتجاج میں شامل ہوئے جس کی وجہ سے ٹریفک جام ہو گئی۔ اس پر پولیس نے رکن اسمبلی کو گرفتار کر کے پولیس اسٹیشن منتقل کر دیا۔ بعد ازاں ٹریفک کو بحال کیا گیا۔

دوسری جانب، ریاست بھر میں بی سی سی بند کامیاب رہا۔ بند کی وجہ سے صبح سے ہی آر ٹی سی بسیں ڈپوزتک محدود رہیں۔ دیگر تجارتی و کاروباری اداروں نے بھی رضاکارانہ طورپر حصہ لیا۔ تمام پارٹیاں اس بند میں حصہ لے رہی ہیں۔