تلنگانہ بی جے پی نے امیدواروں کی چوتھی فہرست جاری کر دی

حیدرآباد: تلنگانہ بی جے پی نے اپنے امیدواروں کی چوتھی فہرست جاری کر دی ہے۔ 12 حلقوں کے امیدواروں کا اعلان کر دیا گیا ہے۔

چنور سے درگم اشوک، ایلاریڈی سے شبھا ریڈی، ویمل واڑہ سے ٹی اوما، حسن آباد سے بی سری رام چکرورتی،وقارآباد سے نوین کمار کے بشمول گدوال، مریال گوڑہ سے امیدواروں کا اعلان کیا گیاتاہم جنا سینا پارٹی کو دی گئی نشستوں کے معاملے پر کوئی وضاحت نہیں کی گئی ہے۔

بی جے پی، جس نے اب تک 100 امیدواروں کا اعلان کیا ہے، مزید 19 سیٹوں پرامیدواروں کا اعلان نہیں کیا۔

جناسینا پارٹی کو کن حلقوں میں کتنی سیٹیں دی جائیں گی یہ دیکھنا دلچسپ ہوگا۔بی جے پی نے کوکٹ پلی اور سیری لنگم پلی حلقوں کے لیے امیدواروں کا اعلان نہیں کیا ہے، جن کا جناسینا نے مطالبہ کیا ہے، اس لیے یہ قیاس آرائیاں کی جارہی ہیں کہ جنا سینا ان دونوں حلقوں میں انتخاب لڑے گی۔

بی جے پی کے لیڈران بھی ان دونوں سیٹوں پر زور دے رہے ہیں۔ نامزدگیوں میں صرف تین دن باقی رہ گئے ہیں۔ دوسری طرف، بی جے پی اپنا منشور 12 یا 13 نومبر کو جاری کرے گی۔