تلنگانہ:پشپا 2 فلم کے اداکاروں کو لے جانے والی بس سڑک حادثہ کا شکار-

حیدرآباد: پشپا 2 فلم کے اداکاروں کو لے جانے والی بس سڑک حادثہ کا شکار ہوگئی۔

یہ حادثہ تلنگانہ کے ضلع نلگنڈہ کے نارکٹ پلی میں پیش آیا۔ ذرائع کے مطابق پرائیویٹ ٹراویلس کی بس کے ذریعہ یہ فنکار جارہے تھے کہ راستہ میں اس بس کے ڈرائیور نے اس کا توازن کھودیا اور یہ بس آر ٹی سی بس سے ٹکرا گئی۔

اس واقعہ میں کئی فنکار شدید زخمی ہوئے جن کو علاج کے لئے قریبی اسپتال لے جایا گیا۔

اس سڑک حادثہ کی وجہ سے حیدرآباد وجے واڑہ ہائی وے پر زبردست ٹریفک جام ہوگیا۔

مقامی افراد کی اطلاع پر پولیس نے فوری طور پر موقع پر پہنچ کر امدادی کارروائیاں شروع کر دیں۔

زخمیوں کو ایمبولنس گاڑیوں میں قریبی سرکاری اسپتال لے جایا گیا جہاں وہ زیرعلاج ہیں۔

پولیس نے اس خصوص میں ایک معاملہ درج کرکے جانچ شروع کردی۔

حادثہ کی وجہ جاننے کے لیے قریبی سی سی ٹی وی کیمروں کی جانچ کی جا رہی ہے۔

فی الحال پشپا-2 کی شوٹنگ چل رہی ہے۔ رات کو فلم کی شوٹنگ مکمل کرنے کے بعد فنکاروں کو لے کر پرائیویٹ ٹراویلس کی بس نلگنڈہ سے حیدرآباد جارہی تھی۔