تلنگانہ: بس الٹ گئی،25مسافرین زخمی

حیدرآباد: تلنگانہ کے ضلع وقارآباد میں پیش آئے سڑک حادثہ میں 25مسافرین زخمی ہوگئے۔یہ حادثہ کوٹاپلی۔

وقارآباد کے درمیان اُس وقت پیش آیا جب بس کے ڈرائیور نے اس کا توازن کھودیا اور یہ بس الٹ گئی۔یہ بس کوٹاپلی سے وقارآباد کی سمت جارہی تھی۔

اس حادثہ میں 10مسافرین شدید اوردیگر15معمولی زخمی ہوگئے۔ایک مسافر کی حالت تشویشناک بتائی جاتی ہے۔

ان تمام زخمیوں کو علاج کے لئے سرکاری اسپتال منتقل کردیاگیا۔اطلاع ملتے ہی پولیس وہاں پہنچی جس نے ضابطہ کی کارروائی کی۔