شمالی بھارت

کانگریس کی حکومت بننے پر 100 روپئے میں 100 یونٹ بجلی: کمل ناتھ

کمل ناتھ نے آج اپنے ٹویٹ میں کہا کہ بھارتیہ جنتا پارٹی کی حکومت کے ذریعے بند کی گئی 100 روپے میں 100 یونٹ بجلی فراہم کرنے کی اسکیم کو مدھیہ پردیش میں کانگریس کی حکومت بنتے ہی پھرسے بحال کر دیا جائے گا۔

بھوپال: مدھیہ پردیش کے سابق چیف منسٹر اور ریاستی کانگریس کے صدر کمل ناتھ نے آج کہا کہ کانگریس کی حکومت بنتے ہی ریاست میں موجود حکومت کے ذریعے بند کی گئی 100 روپے میں 100 یونٹ بجلی فراہم کرنے کی اسکیم کو بحال کر دیا جائے گا۔

کمل ناتھ نے آج اپنے ٹویٹ میں کہا کہ بھارتیہ جنتا پارٹی کی حکومت کے ذریعے بند کی گئی 100 روپے میں 100 یونٹ بجلی فراہم کرنے کی اسکیم کو مدھیہ پردیش میں کانگریس کی حکومت بنتے ہی پھرسے بحال کر دیا جائے گا۔

کمل ناتھ کے پچھلے کئی دنوں سے اس طرح کے ٹویٹس سامنے آ رہے ہیں۔ انہوں نے کہا تھا کہ کانگریس کی حکومت بنتے ہی کسانوں کے قرض معاف کر دیے جائیں گے۔

اس کے بعد انہوں نے کہا کہ ریاست میں کانگریس کی حکومت بننے کے بعد پرانی پنشن اسکیم کو لاگو کیا جائے گا۔ اس کے بعد کل ان کا ایک ایسا ہی ٹویٹ سامنے آیا تھا، جس میں انہوں نے کہا تھا کہ کانگریس کی حکومت بننے کے بعد ریاست میں پولیس کی ہفتہ وار چھٹیاں بھی دوبارہ شروع کر دی جائیں گی۔

ریاست میں اگلے سال کے آخر تک اسمبلی انتخابات ہونے والے ہیں۔