وزیراعلی تلنگانہ نے حق رائے دہی سے استفادہ کیا

حیدرآباد: تلنگانہ کے وزیراعلی و بھارت راشٹراسمیتی کے سربراہ کے چندرشیکھرراو نے آج چنتامڈکاگاوں میں اپنے حق رائے دہی سے استفادہ کیا۔

انہوں نے اپنی بیوی شوبھا کے ساتھ سدی پیٹ رورل منڈل کے کلواکنٹلہ وینکٹا راگھواراو ضلع پریشد ہائی اسکول میں حق رائے دہی سے استفادہ کیا۔چندرشیکھرراو گجویل اور کاماریڈی اسمبلی حلقوں سے مقابلہ کررہے ہیں۔

وہ 2014اور2018میں میدک ضلع کے گجویل اسمبلی حلقہ سے منتخب ہوئے تھے۔ان کے خلاف گجویل سے بی جے پی امیدوار ای راجندر مقابلہ کررہے ہیں۔

چندرشیکھرراو کاماریڈی سے پہلی مرتبہ مقابلہ کررہے ہیں جہاں ان کا سامنا صدرتلنگانہ کانگریس ریونت ریڈی سے ہے۔