وزیراعلی تلنگانہ نے کلکٹرس کانفرنس کو ملتوی کردیا

حیدرآباد: وزیراعلی تلنگانہ ریونت ریڈی نے کلکٹرس کے ساتھ جمعرات کو ہونے والی کانفرنس کو ملتوی کردیا۔

حکومت نے اراضی کے ریکارڈ، قولدار کسانوں کی شناخت، نئے راشن کارڈ س جاری کرنے، مہالکشمی اسکیم کے نفاذ وغیرہ سے متعلق مسائل پر کلکٹروں کے ساتھ جائزہ لینے اور اہم فیصلے لینے کا فیصلہ کیا تھا۔

تمام کلکٹرس کو پہلے ہی ہدایت دی گئی تھی کہ وہ ہر قسم کے ترقیاتی پروگراموں اور اسکیموں کے بارے میں مناسب معلومات کے ساتھ کانفرنس میں شرکت کریں تاہم یہ کانفرنس، اسمبلی اجلاس اور آج وزیراعلی کی نئی دہلی روانگی کے سبب ملتوی کردی گئی ہے۔