ڈاکٹر اے پی جے عبدالکلام کی برسی کے موقع پروزیراعلی تلنگانہ کاخراج

حیدرآباد: تلنگانہ کے وزیر اعلیٰ ریونت ریڈی نے سابق صدر اور ممتاز سائنسدان ڈاکٹر اے پی جے عبدالکلام کو ان کی برسی کے موقع پر خراجِ عقیدت پیش کیا۔

اتوار کے روز سوشل میڈیا کے ذریعہ پیغام دیتے ہوئے انہوں نے کہا کہ عبدالکلام نے اپنی پوری زندگی قوم کی خدمت کے لیے وقف کر دی، اور وہ علم، سادگی اور حب الوطنی کی علامت تھے۔

ریونت ریڈی نے کہا کہ ڈاکٹر کلام نہ صرف ایک عظیم سائنسدان اور بھارت رتن حاصل کرنے والے شخصیت تھے بلکہ ملک کے نوجوانوں اور طلبہ کے لیے رہنما اور تحریک کا ذریعہ بھی تھے۔

وزیراعلیٰ نے عوام سے اپیل کی کہ وہ ڈاکٹر کلام کے نظریات اور اقدار کو اپناتے ہوئے، ان کے خوابوں کے ہندوستان کی تعمیر میں اپنا کردار ادا کریں۔