تلنگانہ کے ڈی جی پی شیودھر ریڈی ریٹائر، سی وی آنند ہوں گے نئے ڈی جی پی

حیدرآباد: تلنگانہ کے ڈائریکٹر جنرل آف پولیس (ڈی جی پی) شیودھر ریڈی جمعرات کو ریٹائر ہو گئے، جس کے ساتھ ہی ان کے 32 سالہ شاندار پولیس کریئر کا اختتام ہو گیا۔

آر وی بی آر پولیس اکیڈمی میں سینئر افسران نے مسٹر ریڈی کو باضابطہ طور پر الوداع کیا۔ اس موقع پر خطاب کرتے ہوئے انہوں نے پولیس سروس میں اپنے طویل سفر کو یاد کیا اور 1970 اور 1980 کی دہائی سے لے کر موجودہ دور تک پولیسنگ میں آنے والی نمایاں تبدیلیوں پر روشنی ڈالی۔

شیودھر ریڈی نے اپنے آبائی ریاست میں ڈی جی پی کی ذمہ داری سونپنے پر وزیر اعلیٰ اے ریونت ریڈی کا شکریہ ادا کیا اور اپنے اساتذہ، ساتھیوں اور اہل خانہ کی حمایت پر ان کا بھی شکریہ ادا کیا۔

ٹیم ورک پر زور دیتے ہوئے انہوں نے کہا کہ ‘پولیس کی طاقت’ کا اصل مطلب وقار کے ساتھ عوام کی خدمت کرنا ہے۔ انہوں نے مزید کہا کہ اجتماعی کوششوں نے ہی ان کے کریئر کو ایک مقام دیا ہے۔

سبکدوش ہونے والے ڈی جی پی نے سی وی آنند کو نیا ڈی جی پی مقرر ہونے پر مبارکباد دی اور ان کی قیادت پر مکمل اعتماد کا اظہار کیا۔