تلنگانہ: کمپنی میں دھماکہ، ایک شخص ہلاک

حیدرآباد: تلنگانہ کے بھونگیرضلع کے پداکندوکورکی پریمیئر ایکسپلوسیو کمپنی میں ہفتہ کی صبح ہوئے دھماکہ میں ایک شخص ہلاک اور آٹھ دیگر زخمی ہوئے۔

زخمیوں میں دو مزدور کنکیااور پرکاش کی حالت نازک بتائی جاتی ہے۔

زخمیوں کو فوری طبی امداد کے لیے اسپتال منتقل کر دیا گیا۔

اطلاعات کے مطابق،کنکیا کی علاج کے دوران موت ہوگئی۔ اطلاع ملتے ہی پولیس وہاں پہنچی جس نے اس واقعہ کی وجوہات معلوم کرنے کیلئے جانچ شروع کردی۔

ذرائع کے مطابق کمپنی میں ری ایکٹر پھٹ گیا۔ ری ایکٹر میں زوردار دھماکہ ہوا جس کے بعد کمپنی انتظامیہ نے ایمرجنسی سائرن بجا دیا۔ دھماکے سے عمارت گر گئی۔

اطلاع ملتے ہی فائر بریگیڈ کے عملے نے موقع پر پہنچ کر امدادی کارروائیاں شروع کر دیں۔

آگ پر قابو پالیا گیا۔ ایک مزدور پرکاش کو سکندرآباد کے ایک پرائیویٹ اسپتال لے جایا گیا کیونکہ اس کی حالت نازک تھی۔