تلنگانہ:آربی آئی کا مالی خواندگی ہفتہ،ضلع نلگنڈہ میں ٹو کے رن کا اہتمام

حیدرآباد: اسٹیٹ بینک آف انڈیا کے ڈپٹی جنرل منیجر پرشانت کمار بھاٹیہ نے کہا کہ مالیاتی مسائل پر عوام میں بیداری پیدا کرنے کے لیے ریزرو بینک آف انڈیا کی ہدایت کے مطابق مالی خواندگی ہفتہ کا انعقاد عمل میں لایاجارہا ہے۔

تلنگانہ کے نلگنڈہ مستقر کے کلاک ٹاور میں مالیاتی خواندگی ہفتہ کے موقع پر منعقدہ ٹو کے رن کو جھنڈی دکھا کر روانہ کیا گیا۔

ریلی کے بعد پرشانت کمار نے کہا کہ ریزرو بینک آف انڈیا 26 سے یکم مارچ تک مالیاتی خواندگی ہفتہ منارہی ہے تاکہ عوام میں مالی خواندگی میں اضافہ ہو او رتمام کو مالی پہلوؤں سے بااختیار بنایا جا سکے۔

اس کے علاوہ بینک اکاؤنٹ کیسے کھولا جائے۔? انہوں نے کہا کہ کسی بھی مشکوک نمبر سے میسج یا کال موصول ہونے پر احتیاطی تدابیر، مالی مشکلات سے بچنے کے لیے کیے جانے والے اقدامات اور دیگر مسائل بتائے جائیں گے۔

انہوں نے انکشاف کیا کہ مالیاتی خواندگی کا پروگرام مسلسل جاری ہے۔