تلنگانہ کی تشکیل کی تقاریب کو سیاسی تنقید کا پلیٹ فارم نہیں ہونا چاہئے:پونم پربھاکر

حیدرآباد: تلنگانہ کے وزیر ٹرانسپورٹ پونم پربھاکر نے کہا ہے کہ تلنگانہ کی تشکیل کی تقاریب کو سیاسی تنقید کا پلیٹ فارم نہیں ہونا چاہئے۔ انہوں نے تمام جماعتوں سے خواہش کی کہ وہ ان تقاریب کو بڑے پیمانے پر منائیں۔

وزیر موصوف نے پریڈ گراونڈ سکندرآباد میں کل ہونے والی اصل تقریب کے انتظامات کا جائزہ لیا۔ اس موقع پر میڈیا سے بات کرتے ہوئے انہوں نے کہا کہ تلنگانہ کی تشکیل میں بی جے پی لیڈر سشماسوراج کے رول کو فراموش نہیں کیا جاسکتا۔ انہوں نے کہا کہ کل ہونے والی سرکاری تقریب میں سابق وزیراعلیٰ چندر شیکھر راؤ کو بھی مدعو کیا گیا ہے۔