تلنگانہ: سڑک حادثہ میں لڑکی ہلاک

حیدرآباد: تلنگانہ کے سوریاپیٹ ضلع میں ایک سڑک حادثہ پیش آیا جس میں 23 سالہ لڑکی ہلاک ہوگئی جس کی شناخت پلا مری گاؤں سے تعلق رکھنے والی داسری وجیت کے طورپر کی گئی ہے۔

یہ حادثہ اس وقت پیش آیا جب وجیت، جو رائینی گوڑم کے قریب ایک ہوٹل میں ملازمت کرتی تھی، معمول کے مطابق کام پر جا رہی تھی۔

ہوٹل کے پاس سڑک پار کرتے وقت حیدرآباد سے سوریاپیٹ کی طرف تیز رفتاری سے آنے والی کار نے اسے ٹکر مار دی۔ ٹکر اتنی شدید تھی کہ وجیت موقع پر ہی ہلاک ہوگئی۔

حادثہ کی اطلاع ملنے پر مقامی پولیس موقع پر پہنچی اور لاش کو پوسٹ مارٹم کے لئے سوریاپیٹ جنرل اسپتال منتقل کیا۔ پولیس نے مقدمہ درج کرکے جانچ کا آغاز کردیا۔