حیدراکے نام پر غریبوں پر تلنگانہ حکومت کا ظلم۔مرکزی وزیربنڈی سنجے کاالزام

حیدرآباد: مرکزی وزیر بنڈی سنجے نے الزام لگایا ہے کہ بی آرایس حکومت نے کالیشورم پراجکٹ کے نام پر ایک لاکھ کروڑ روپے کی رشوت خوری کی ہے۔

انہوں نے کریم نگر میں میڈیاسے بات کرتے ہوئے کہا کہ موسیٰ ندی کی خوبصورتی کے نام پر کانگریس حکومت کروڑوں روپے لوٹنے کا کام کررہی ہے۔

انہوں نے جھیلوں اورتالابوں کے ایف ٹی ایل و بفرزون کیلئے حال ہی میں تلنگانہ حکومت کی جانب سے تشکیل شدہ ادارہ حیدرآبادڈیزاسٹررسپانس اینڈ ایسیٹ مانیٹرنگ اینڈ پروٹکشن ایجنسی (حیدرا) پر تنقید کرتے ہوئے کہاکہ عوام ،حیدراکے طریقہ سے بیزار ہوگئے ہیں، انہوں نے الزام لگایا کہ حیدراکی جانب سے غریبوں کے مکانات کو منہدم کیاجارہا ہے۔

کانگریس حکومت حیدراکے نام پر غریبوں پر ظلم کر رہی ہے۔ کئی سالوں سے ٹیکس ادا کرنے والے غریبوں کے گھروں کو منہدم کرنا ظلم ہے۔

غریبوں کے گھر گرائے گئے تو حیدراختم ہوجائے گی۔کانگریس کو ہوش میں آکر حکومت کرنی چاہیے۔ انہوں نے کہا کہ حیدراکی انہدامی کارروائی کے خلاف ہم احتجاج کریں گے۔ انہوں نے کہا کہ وہ حیدراکے متاثرین کی حمایت کریں گے۔