تلنگانہ کی پانچ گرام پنچایتوں کے اے پی میں انضمام کے مسئلہ کو مرکز سے رجوع کرنے گورنر کی یقین دہانی

حیدرآباد: گورنر تلنگانہ ڈاکٹر تمیلی سائی سوندراراجن نے یقین دہانی کروائی ہے کہ وہ تلنگانہ کی پانچ گرام پنچایتوں کے آندھراپردیش میں انضمام کے مسئلہ کو مرکز سے رجوع کریں گی۔

گورنر کوتہ گوڑم اور کھمم اضلاع کے دورہ کے لئے پہنچیں۔

انہوں نے بھدراچلم کے قبائلیوں کے ساتھ تبادلہ خیال کیا جہاں قبائلیوں نے ان سے اپیل کی کہ وہ پانچ منڈلوں کو تلنگانہ میں ضم کرنے کے مسئلہ کی یکسوئی کریں۔

اس اپیل پر ردعمل ظاہر کرتے ہوئے کہا کہ وہ ان گرام پنچایتوں کے انضمام کے سبب عوام کو درپیش مسائل سے واقف ہیں۔

قبائلیوں نے ان کو اس مسئلہ کی یکسوئی کی ذمہ داری دی جس پر انہوں نے کہاکہ وہ جلد از جلد اس مسئلہ کو حل کرنے کے اقدامات کریں گی۔