تلنگانہ: گروکل اسکول کی طالبہ کی لاش کو قبر سے نکال کر کیا گیا دوبارہ پوسٹ مارٹم

حیدرآباد: گروکل اسکول کی طالبہ کی لاش کو قبر سے نکال کراس کا دوبارہ پوسٹ مارٹم کروایاگیا۔یہ واقعہ تلنگانہ کے ضلع میدک کے ٹیکمال میں پیش آیا۔

تفصیلات کے مطابق 16سالہ سپرجاجس کا تعلق تمپلورگاوں سے ہے نے گذشتہ ماہ کی 30 تاریخ کو اپنے مکان میں پھانسی لے کر خودکشی کرلی تھی۔

اس کے ارکان خاندان نے سمجھاکہ تعلیم کا بوجھ برداشت نہ کرتے ہوئے اس نے خودکشی کی ہے تاہم اس لڑکی کے چچا نے پولیس سے شکایت کی کہ اسی گاوں سے تعلق رکھنے والے ایک نوجوان کی ہراسانی پر طالبہ نے خودکشی کی ہے۔

اس شکایت کے بعد اس طالبہ کی لاش کو قبر سے نکال کراس کا دوبارہ پوسٹ مارٹم کروایا گیا۔