تلنگانہ: بیروز گاروں کے مسائل پر بھوک ہڑتال، کانگریس لیڈر جڈسن کی صحت بگڑگئی

حیدرآباد: کانگریس پارٹی کے معطل لیڈر بکا جڈسن کی صحت بگڑ گئی ہے جوبے روزگاروں کے مسائل پر گزشتہ دس دنوں سے اپنے گھر پر بھوک ہڑتال پر ہیں۔

جمعہ کو ان کی طبیعت خراب ہوگئی۔وہ اٹھنے کے قابل نہیں رہے۔ بی آر ایس لیڈر رجنی سائی چند بکا جڈسن کے گھر پہنچیں۔ وہ جڈسن کی حالت دیکھ کر حیران رہ گئیں۔

فوری طور پر ایمبولینس کو بلایا گیاجس کے بعد کمبل میں لپیٹ کر ان کو اسپتال پہنچایاگیا۔

رجنی سائی چند نے جڈسن کی بیٹی کو تسلی دی جو اپنے والد کی صحت کی حالت سے پریشان تھی۔ رجنی سائی چند نے ان کے مکان پر تعینات پولیس ملازمین پر برہمی کااظہارکیا۔

انہوں نے کہا کہ یہ افسوسناک ہے کہ کانگریس حکومت نے جڈسن کی صحت کی حالت پر کوئی ردعمل ظاہر نہیں کیا۔

جڈسن کی صحت کے بارے میں یہاں ڈیوٹی پر مامور پولیس کو چاہئے تھا کہ وہ حکومت کو معلومات فراہم کرتی؟۔