تلنگانہ: دھان کے تھیلوں کا لوڈ لے جانے والی لاری الٹ گئی

حیدرآباد: دھان کے تھیلوں کا لوڈ لے جانے والی لاری الٹ گئی۔ یہ حادثہ تلنگانہ کے ضلع جگتیال میں پیش آیا۔

تفصیلات کے مطابق ضلع کے سنکینا پلی کے قریب دھان کے تھیلوں کے لوڈ کے ساتھ لاری جارہی تھی تاہم اچانک لاری کے ڈرائیور نے اس کا توازن کھودیا اور یہ لاری کلورٹ کے قریب الٹ گئی۔

حالیہ دنوں کے دوران ہوئی غیرموسمی بارش سے دیہی علاقوں کی سڑکوں کی حالت خراب ہوگئی ہے۔

اس لاری میں تھیلے ہونے کے سبب اس کو سیدھا کرنامشکل تھا۔

اس سڑک کو ہوئے نقصان پر لاری سے تھیلے ہٹاتے ہوئے لاری کو آگے لے جانے کی کوشش کے دوران یہ حادثہ پیش آیا۔

اس حادثہ میں کسی بھی جانی نقصان یا پھر کسی کے زخمی ہونے کی کوئی اطلاع نہیں ملی ہے۔