جرائم و حادثات

لون ایپ کے ایجنٹس کی ہراسانی، ایک شخص نے خودکشی کرلی

راجودو دن پہلے گھر سے روانہ ہوا تھا۔اس کی روانگی کے چند گھنٹوں بعد ہی اس کے رشتہ داروں کو اس کی چھیڑ چھاڑ کی ہوئی تصویر موصول ہوئی۔اس کی لاش منواڈاگاوں کے مڈمانیر ڈیم کے پاس پائی گئی۔

حیدرآباد: لون ایپ کے ایجنٹس کی ہراسانی پر ایک شخص نے خودکشی کرلی۔یہ واقعہ تلنگانہ کے سرسلہ ٹاون میں پیش آیا۔تفصیلات کے مطابق 28سالہ سی ایچ سائی راجو نے آن لائن لون ایپ کے ذریعہ قرض حاصل کیا تھا۔

متعلقہ خبریں
بیٹے کی ہراسانی اورحملہ۔ضعیف شخص کا دو مرتبہ اقدام خودکشی
حیدرآباد میں نومولود لڑکا کچرا کنڈی میں دستیاب
تلنگانہ میں آئندہ 24 گھنٹے میں تیز ہوائیں چلنے کا امکان
بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ
بی آر ایس قائد ملا ریڈی کی کانگریس میں شمولیت کا امکان

 تاہم وہ قرض کی رقم کی اقساط کی ادائیگی میں ناکام رہا جس پر ایجنٹس نے اس کی تصویر میں چھیڑچھاڑکرتے ہوئے تصویر میں اسے برہنہ دکھاتے ہوئے اس تصویر کو اس کے دوستوں اور رشتہ داروں کو بھیجنے کی دھمکی دی جس پر اس نے خودکشی کرلی۔

راجودو دن پہلے گھر سے روانہ ہوا تھا۔اس کی روانگی کے چند گھنٹوں بعد ہی اس کے رشتہ داروں کو اس کی چھیڑ چھاڑ کی ہوئی تصویر موصول ہوئی۔اس کی لاش منواڈاگاوں کے مڈمانیر ڈیم کے پاس پائی گئی۔ابتدائی طور پر پولیس نے گمشدگی کا مقدمہ درج کیا تھا، جس میں ترمیم کی گئی۔