تلنگانہ: مانجرا کی پائپ لائن کا وال لیک،بڑے پیمانہ پرپانی کااخراج

حیدرآباد: حیدرآباد کے چندانگر سرکل 21 کے علاقہ میں اولڈ ممبئی روڈ پر مانجرا کی پائپ لائن کا وال لیک ہو گیا جس کے نتیجہ میں پانی کا بڑے پیمانہ پراخراج عمل میں آیا۔

اس صورتحال کی وجہ سے وہاں سے گزرنے والے گاڑی سواروں کو شدید مشکلات کا سامنا کرناپڑا۔ مقامی افراد نے متعلقہ حکام سے فوری کارروائی کرتے ہوئے پانی کے ضیاع کو روکنے کی اپیل کی ہے۔

پانی اتنے زیادہ دباؤ کے ساتھ اوپر کی طرف نکل رہا ہے کہ بجلی کی تاروں سے ٹکرانے کا خطرہ پیدا ہو گیا جس کی وجہ سے عوام میں تشویش دیکھی گئی۔

اس واقعہ کی ویڈیوز اور تصاویر سوشل میڈیا پرتیزی کے ساتھ وائرل ہوگئیں۔