تلنگانہ:نامعلوم گاڑی کی ٹکرسے ایک شخص ہلاک،لاش اندھیرے میں نظرنہ آنے پر دوسری گاڑیاں چڑھ گئیں

حیدرآباد: تلنگانہ کے ضلع سوریہ پیٹ میں نامعلوم گاڑی کی ٹکر سے ہلاک شخص کی لاش اندھیرے میں نظرنہ آنے پر نامعلوم گاڑیاں اس پر چڑھ گئیں۔

یہ حادثہ کل شب کوداڑ کے قریب قومی شاہراہ پر پیش آیا جس میں نامعلوم گاڑی کی ٹکر سے ایک شخص ہلاک ہوگیا۔

اندھیرے میں لاش نظر نہ آنے کی وجہ سے اس ہائی وے پر آنے والی تمام گاڑیاں اس پر چڑھ گئیں۔لاش کے تمام اعضاء شناخت سے باہر تھے۔

صبح مقامی افرادنے اس لاش کو دیکھا اور پولیس کو اس بات کی اطلاع دی جس کے بعد پولیس نے وہاں پہنچ کر لاش کو پوسٹ مارٹم کے لیے بھیج دیا۔ پولیس نے اس سلسلہ میں ایک معاملہ درج کرکے جانچ شروع کردی۔