تلنگانہ: محبت کی مخالفت، لڑکی کی خودکشی

حیدرآباد: لڑکے کے ساتھ تعلقات پر بہن اور بہنوئی کی مخالفت پر ایک 18سالہ لڑکی نے خودکشی کرلی۔

یہ واقعہ تلنگانہ کے ضلع میدک میں پیش آیا۔تفصیلات کے مطابق ضلع کے بونالہ گاؤں کی لکشمی اپنی بہن سریشا کے ساتھ مقیم تھی۔ وہ ایک لڑکے کے ساتھ تعلقات رکھتی تھی اور اپنے خاندان کی مخالفت سے خوفزدہ تھی۔

پولیس کے مطابق اس کے والدین، جو ضلع کاماریڈی کے رہنے والے ہیں، روزگار کے سلسلہ میں حیدرآباد منتقل ہو گئے تھے۔

لکشمی نے مبینہ طور پر اپنے ہی گاؤں کے ایک لڑکے سے محبت کر لی تھی، جس کی سریشا اور اس کے شوہر نے مخالفت کی۔اس مخالفت کے بعدلکشمی نے مبینہ طور پر زہریلی دوا پی لی۔

حیدرآباد کے ایک اسپتال لے جاتے وقت اس کی موت واقع ہو گئی۔پولیس نے مقدمہ درج کر کے جانچ شروع کر دی۔