تلنگانہ: بی آرایس کی سلورجوبلی تقاریب کی تیاریاں تیزی سے جاری

حیدرآباد: تلنگانہ کی اصل اپوزیشن بی آرایس کی سلورجوبلی تقاریب کے لئے تیاریاں تیزی سے جاری ہیں۔

ہنمکنڈہ ضلع کے ایلکاتُرتی میں یہ تقاریب 27اپریل کو منائی جائیں گی جس کے پیش نظر پارٹی لیڈروں نے ایلکاترتی میں تقریباً 1200 ایکڑ اراضی پر بڑے پیمانہ پرجلسہ منعقد کرنے کا منصوبہ تیار کیا ہے۔

پارٹی لیڈران ریاست بھر میں تیاری کے اجلاس منعقد کر رہے ہیں۔ کئی سینئر لیڈران نے جلسہ کی تیاریوں کا جائزہ لیا اور اطمینان کا اظہار کیا۔

انہوں نے کہا کہ جلسہ میں آنے والے عوام کو کسی قسم کی پریشانی نہ ہو، اس کے لئے مکمل انتظامات کئے جا رہے ہیں۔