ٓتلنگانہ:سدی پیٹ ایڈیشنل کلکٹر کتوں کے حملہ میں زخمی

حیدرآباد: تلنگانہ کے دارالحکومت حیدرآباد کے بشمول ریاست کے اضلاع میں بھی حالیہ چند دنوں کے دوران کتوں کے کاٹنے کے واقعات میں اضافہ ہوتاجارہا ہے۔ سدی پیٹ کے ایڈیشنل کلکٹرسرینواس بھی کتوں کاشکار بنے۔

وہ اپنی سرکاری قیامگاہ کے احاطہ میں رات کی چہل قدمی کیلئے جارہے تھے کہ کتوں نے ان پر حملہ کردیا جس کے نتیجہ میں وہ زخمی ہوگئے۔

ان کو فوری طور پر علاج کے لئے اسپتال میں داخل کروادیاگیا۔ سرینواس، سدی پیٹ ٹاون کے نواحی علاقہ میں سرکاری مکان میں مقیم ہیں۔

بتایاجاتا ہے کہ وہ چہل قدمی کررہے تھے کہ کتوں نے ان کے کوارٹر میں داخل ہوکر ان پر حملہ کردیا جس میں وہ زخمی ہوگئے۔

ساتھ ہی ان کتوں نے ان کے پالتو کتے پر بھی حملہ کردیا۔ انہیں ابتدائی طبی امداد کے بعد اسپتال سے گھر جانے کی اجازت دے دی گئی۔