سناتن دھرم کا خاتمہ محض بیان بازی نہیں: بی جے پی

نئی دہلی: بی جے پی نے مغربی بنگال‘ کرناٹک اور ٹاملناڈو میں ہندوؤں کو مبینہ طور پر نشانہ بنانے کا الزام عائد کرتے ہوئے آج اپوزیشن جماعتوں پر کڑی تنقید کی۔

پارٹی نے دعوی کیا کہ اس سے ظاہر ہوتا ہے کہ سناتن دھرم کا خاتمہ محض بیان بازی نہیں بلکہ مہم کا ایک حصہ ہے۔

بی جے پی کے قومی ترجمان سدھانشو ترویدی نے مغربی بنگال کی ترنمول کانگریس حکومت پر تنقید کی

اور کہا کہ ان کی پارٹی کے قائدین بشمول خواتین کے ایک گروپ کو جس میں ارکان اسمبلی اور دیگر شامل تھے‘ گڑبڑ زدہ سندیش کھالی کا دورہ کرنے کی اجازت نہیں دی گئی۔