تلنگانہ: تیراکی کے دوران داماد اورسسر غرق

حیدرآباد: تلنگانہ کے سنگاریڈی ضلع کے ہتنور پولیس اسٹیشن کے حدود میں تیراکی کے لئے گئے داماد اورسسر غرق ہوگئے۔

تفصیلات کے مطابق ہتنور منڈل کے بورپٹلہ گاؤں کے قریب واقع بھیمونی جھیل میں پریم کمار تیراکی کے لئے جھیل میں اترا۔

کچھ دیر بعد وہ پانی میں سانس لینے میں ناکام ہوکر غرق ہوگیا۔ پریم کمار کو نہ دیکھ کر اس کے سسر چندرا مولی نے اسے بچانے کے لئے پانی میں چھلانگ لگائی، لیکن وہ بھی تیرتے ہوئے سانس نہ لے پائے اور غرق گئے۔

مقامی افرادنے فوراً امدادی کارروا ئی کے لئے فائر بریگیڈ کو اطلاع دی۔ نرساپور فائر ڈپارٹمنٹ کے عملے کی مدد سے دونوں لاشوں کو جھیل سے نکالا۔

پریم کمار کا تعلق سنگاریڈی ضلع کے کونڈا پور منڈل کے ویربھدر پلی گاؤں سے بتایا گیا ہے۔

دونوں لاشوں کو نرساپور کے سرکاری اسپتال منتقل کر کے پوسٹ مارٹم کروایا گیا۔ گھر والوں کی شکایت پر پولیس نے مقدمہ درج کر کے جانچ شروع کر دی ہے۔