تلنگانہ: داماد نے حالت نشہ میں ساس کا بڑی ہی بے دردی سے قتل کردیا

حیدرآباد: داماد نے حالت نشہ میں ساس کا بڑی ہی بے دردی سے قتل کردیا۔یہ واردات تلنگانہ کے ضلع منچریال میں پیش آئی۔

تفصیلات کے مطابق مقتول خاتون کی شناخت ضلع کے سنابٹی واڈا علاقہ سے تعلق رکھنے والی وجیا کے طورپر کی گئی ہے جس کا داماد ملزم وینکٹیش حالت نشہ میں کل شب اس کے مکان پہنچا اور بڑی ہی بے دردی سے چاقو سے ساس پر حملہ کرتے ہوئے اس کا قتل کردیا۔

پانچ سال پہلے مقتول خاتون کی بیٹی سے چونم بٹی واڑہ سے تعلق رکھنے والے ملزم کی شادی ہوئی تھی۔

گزشتہ کچھ عرصہ سے شوہر اوربیوی میں جھگڑے ہورہے تھے۔مقتول خاتون بیٹی سے داماد کی علحدگی چاہتی تھی۔اس مسئلہ پرداماد کے ساس سے جھگڑے ہوئے۔

ایک ہفتہ پہلے بھی ملزم نے خاتون پر سڑک پر حملہ کی کوشش کی تھی۔کل شب برہمی کے عالم میں پہنچ کر ملزم نے ساس پر چاقو سے حملہ کرتے ہوئے اس کا قتل کردیا۔

اس حملہ میں خاتون موقع پر ہی ہلاک ہوگئی۔اس کی لاش کو پوسٹ مارٹم کے لئے اسپتال بھیج دیاگیا۔پولیس نے اس سلسلہ میں ایک معاملہ درج کرکے جانچ شرو ع کردی۔