تلنگانہ: امتحان میں ناکامی،طالبہ کی خودکشی

حیدرآباد: تلنگانہ کے ضلع سدی پیٹ کے حسن آباد ٹاؤن میں افسوسناک واقعہ پیش آیا، جہاں ایک طالبہ نے امتحان میں ناکام ہونے پر دلبرداشتہ ہو کر خودکشی کر لی۔

تفصیلات کے مطابق حسن آباد کی ٹیچرس کالونی سے تعلق رکھنے والی 17 سالہ سنجنا نے انٹرمیڈیٹ فرسٹ ایئر مکمل کیا تھا۔

تین دن قبل انٹرمیڈیٹ کے نتائج کا اعلان ہوا تھا، جس میں ناکامی پر وہ شدید ذہنی دباؤ کا شکار ہو گئی۔

گھر پر کسی کے نہ ہونے کے دوران سنجنا نے پھانسی لے کر خودکشی کرلی۔واقعہ کی اطلاع ملنے پر پولیس موقع پر پہنچی اور لاش کو پوسٹ مارٹم کے لئے حسن آباد سرکاری اسپتال منتقل کر دیا۔